Güləş/Cüdo
Azərbaycan cüdoçusu öz çəkisində zirvəyə yüksəldi
20.02.2023 | 18:54
Azərbaycan cüdoçusu Zelim Kotsoyev Olimpiya reytinqində 100 kq çəki dərəcəsində ilk pilləyə yüksəlib.
Sports.az xəbər verir ki, 25 yaşlı idmançı buna İsrailin Tel-Əviv şəhərində keçirilən “Böyük Dəbilqə” turnirində qızıl medal qazanmaqla nail olub.
O, finalda bunadək reytinqə başçılıq edən niderlandlı Mixael Korrela qalib gələrək fəxri kürsünün ən yüksək pilləsinə qalxıb. Hazırda idmançının aktivində 2250 xal var.
Xatırladaq ki, Kotsoyev daha əvvəl böyüklər arasında Özbəkistanın paytaxtı Daşkənddəki dünya çempionatında, İsraildə keçirilmiş Masters turnirində və Fransanın paytaxtı Parisdəki “Böyük Dəbilqə”də bürünc medal qazanıb.
