Azərbaycan futbolu
“Zirə” “Şamaxı”ya, “Sumqayıt” “Araz-Naxçıvan”a, “Turan Tovuz” “Qloriya”ya qarşı
09.01.2025 | 13:15
Mövsümün qalan hissəsinə hazırlıqlarını davam etdirən klublarımız bu gün yoxlama oyunu keçirəcəklər.
Sports.az xəbər verir ki, Rəşad Sadıqovun rəhbərlik etdiyi “Zirə” “Şamaxı” ilə qarşılaşacaq.
Zirə İdman Kompleksinin stadionunda baş tutacaq oyuna saat 17:00-da start veriləcək.
"Sumqayıt" isə "Araz-Naxçıvan"la qarşılaşacaq. Mehdi Hüseynzadə adına Sumqayıt şəhər stadionunda keçiriləcək oyunun start fiti saat 15:00-da səsləndiriləcək.
Mövsümün qalan hissəsinə Türkiyədə hazırlaşan "Turan Tovuz" da "Qloriya Buzau" ilə üz-üzə gələcək. Rumıniya təmsilçisi ilə oyun Bakı vaxtı ilə saat 16:30-da başlayacaq.
