“Real” 2025-ci ilin yayında əsas ulduzlarından biri – braziliyalı hücumçusu Vinisius Junior ilə yollarını ayıra bilər.

Sports.az xəbər verir ki, “Vini”nin “Real”la müqaviləsində 1 milyard avro məbləğində sərbəstqalma maddəsi nəzərdə tutulub.

Braziliyalı hücumçunu satın almaq üçün əsas iddiaçı olan “Əl-Əhli” müvafiq məbləği ödəməyə hazırdır. Bildirilir ki, Səudiyyə Ərəbistanı klubu ölkəyə portuqal ulduz hücumçu Kristiano Ronaldo və braziliyalı ulduz hücumçu Neymar çaplı bir ulduzu gətirmək istəyir ki, “Vini” müvafiq tələblərə artıqlaması ilə cavab verir.