“Lill”in kanadalı hücumçusu Conatan Devid “Barselona”ya keçmək arzusundadır və “blauqrana”nın 36 yaşlı polyak mərkəz hücumçusu Robert Levandovskini əvəz etməyə hazırdır.

Sports.az xəbər verir ki, “Lill” ilə müqaviləsinin müddəti gələn yay başa çatacaq kanadalı futbolçunun imzalanması üçün 80 milyon avro məbləğində xərc çəkmək gərəkdir.

Bu məbləğə imza üstəliyi, növbəti beş mövsümü əhatə edəcək əmək haqqı, həmçinin hücumçunun ətrafı üçün müvafiq ödənişlər daxildir. “Barselona”nın bu məbləği məqbul hesab etdiyi vurğulanır.