Hazırda “Real”, “qaymaqlılar”ın baş məşqçisi, italyan mütəxəssis Karlo Ançelottinin istefaya göndəriləcəyi təqdirdə müxtəlif seçimləri nəzərdən keçirməkdə davam edir.

Sports.az xəbər verir ki, “Real”ın əsas seçimi, “Bayer”in ispan çalışdırıcısı Xabi Alonsonu 2025-ci ilin yayında “qaymaqlılar”a baş məşqçi təyin etməkdir.

Vurğulanır ki, bununla belə, Karlo Ançelotti gözlənilmədən istefaya göndərilsə, “Real” “qaymaqlılar”ın argentinalı direktoru Santyaqo Solari, gənclər komandasının ispan baş məşqçisi Raul Qonsales, eləcə də əvvəllər İspaniya nəhəngini çalışdırmış fransalı mütəxəssis Zinəddin Zidanı da müvəqqəti baş məşqçi qismində diqqətdə saxlayıb.

Vurğulanır ki, Zidanın özünü müvəqqəti baş məşqçi vəzifəsində görmür və müvafiq təklifə razı olmayacaq. Ancaq “Real” Xabi Alonsonu dəvət etmək fikrindən daşınsa, Zinəddin Zidan Madridə qayıtmaq haqda düşünəcək.