“Əl-Hilal”ın baş direktoru Esteve Kalsada “Əl-Nəsr”ın portuqal hücumçusu Kristiano Ronaldonun 2025-ci ildə iyunun 15-dən iyulun 13-dək keçiriləcək klublararası dünya çempionatı üçün mümkün satınalınması ilə bağlı sualı cavablayıb.

Sports.az Kalsadanın bu barədə cavabını təqdim edir:

“Bu, bir elmi fantastikaya bənzəyir. Kristiano Ronaldo bizim oyunçumuz deyil, ona görə də bu barədə nəsə demək çətindir. O, hazırda azad agent də deyil, ona görə də bu haqda danışmaq çox da xoş deyil”.