"Qarabağ"ın UEFA Avropa Liqasındakı rəqiblərindən "Olimpiakos" (Yunanıstan) Xristos Muzakitislə müqavilə bağlayıb.

Sports.az klubun mətbuat xidmətinə istinadən xəbər verir ki, 17 yaşlı müdafiəçi komandası ilə 6 illik sözləşməyə imza atıb.

Bu, gənc oyunçunun ilk peşəkar müqaviləsi olub. Muzakitis Yunanıstan futbolunun ən böyük istedadlarından biri hesab edilir.

O, daha əvvəl "Olimpiakos"un aşağı yaş qruplarından ibarət komandalarında çıxış edib.

"Qarabağ" "Olimpiakos"la 2025-ci il yanvarın 30-da səfərdə qarşılaşacaq.