“Qremio” “Krasnodar”ın, “ölməz üçrənglilər”in 28 yaşlı argentinalı hücumameyilli yarımmüdafiəçisi Franko Kristaldonu satın almaq təklifini rədd edib.

Sports.az xəbər verir ki, Rusiya klubu futbolçunun hüquqlarının 80%-i müqabilində Braziliya klubuna 6 milyon dollar (5,7 milyon avro) məbləğ ödəməyə hazır idi.

Bundan əlavə, sövdələşməyə 1,5 milyon dollar (1,4 milyon avro) məbləğində əlavə üstəlik də daxil edilib. Tərəflərin Cümə günü, dekabrın 20-də danışıqlar apardığı, amma razılığa gələ bilmədiyi vurğulanır.