2025-ci ildə "Qızıl top"u qazanmağa namizəd olan futbolçular açıqlanıb.

Sports.az xəbər verir ki, yenilənmiş siyahını məşhur "Goal.com" nəşri tərtib edib.

Birinci pillədə İngiltərənin "Liverpul" klubunda çıxış edən Məhəmməd Salah qərarlaşıb.

İspaniya təmsilçisi "Real"dan Vinisius Junior ikinci, "Barselona"dan Rafinya üçüncü olub.

Növbəti mövqelərdə Almaniyanın "Bayern" komandasından Camal Musiala, "Barselona"dan Robert Levandovski, Lamin Yamal, "Real"dan Kilian Mbappe, "Bayern"dən Harri Keyn, İngiltərənin "Çelsi" klubundan Koul Palmer və Almaniya təmsilçisi "Bayer"dən Florian Virts yer alıblar.

2024-cü ildə "Qızıl top"u İngiltərənin "Mançester Siti" komandasından Rodri qazanıb.