“Real” İtaliyanın bəzi mətbuat orqanlarının “yeni Kazemiro” adlandırdığı, “Atalanta”nın 25 yaşlı braziliyalı dayaq yarımmüdafiəçisi Edersonla maraqlanır.

Sports.az xəbər verir ki, Madrid klubu uzun müddətdir Edersonun çıxışını izləyir və braziliyalı futbolçu ilə bağlı ətraflı məlumatı var.

“Atalanta”nın Edersonu 60 milyon avro məbləğ müqabilində buraxa biləcəyi vurğulanır, amma İtaliya çempionluğuna iddialı Berqamo klubu müvafiq addıma cari mövsümün ortasında hazır deyil.

Xatırladaq ki, braziliyalı yarımmüdafiəçi ilə “Mançester Yunayted” də maraqlanır.