“Barselona”nın hazırda zədəli olan 17 yaşlı ispaniyalı sağ cinah hücumçusu Lamin Yamal İspaniya La Liqasının “Leqanes”lə 17-ci tur ev oyununda (0:1) zədəli halda meydana çıxıbmış.

Sports.az xəbər verir ki, Lamin Yamal bu oyuna qədər, noyabr ayının əvvəlində aldığı topuq zədəsindən natamam sağalmasına rəğmən, “blauqrana”ya kömək etməkdə israrlı olub.

Bununla belə, oyunun “Barselona”nın planı üzrə gedəcəyi halda Yamalı ikinci hissədə əvəzləmək nəzərdə tutulub, amma 4-cü dəqiqədə qol buraxmış “blauqrana”nın çətin vəziyyətində Yamal ikinci hissədə də çıxışını davam etdirib və bu zaman yeniyetmə futbolçu topuğundan yenidən zədə alıb.

Yamalın dekabrın 29-da komanda ilə məşqlərə qayıdacağı vurğulanır.