PSJ-nin fransalı mərkəz yarımmüdafiəçisi Uorren Zair-Emeri parislilərin rusiyalı qapıçısı Matvey Safonovun “Lans”la Fransa Kubokunun 1/32 final səfər oyunundakı çıxışını qiymətləndirib.

Sports.az xatırladır ki, 1:1 hesabı ilə başa çatmış oyunun penaltilər silsiləsində Safonov iki penalti zərbəsini dəf etməklə, PSJ-nin 4:3 hesablı qələbəsində böyük pay sahibi olub.

“Mən onun penaltilər başında işini görməmişdim, ikisini dəf etdi, komandaya kömək etdi. Düşünürəm ki, onun məqsədi bu idi, ona görə də biz xoşbəxtik, güman ki, o da özü üçün şad olmalıdır”, deyə gənc futbolçu məmnunluqla vurğulayıb.