“Korintians”ın braziliyalı mərkəz hücumçusu Yuri Alberto karyerasını Səudiyyə Ərəbistanında davam etdirə bilər.

Sports.az xəbər verir ki, Yuri Albertonun müqabilində 20-25 milyon avro məbləğ civarında ödəniş etməyə ödəməyə hazır olan “Əl-Nəsr” və “Əl-İttihad” klubları braziliyalı futbolçunun xidmətində maraqlıdırlar.

Müvafiq keçid üzrə əməliyyat Yuri Albertonun əvvəllər çıxış etdiyi Sankt-Peterburq “Zenit”inin büdcəsini doldura bilər. Belə ki, Rusiya klubu Yuri Albertonun transfer hüququnun 50%-nə sahibdir. Bunun sayəsində “Zenit” braziliyalı futbolçunun növbəti transferindən əldə edilən gəlirin yarısını öz hesabına yatıra biləcək.