“Liverpul”un və Uels yığmasının keçmiş hücumçusu Yan Raş “qırmızılar”ın misir ulduz hücumçusu Məhəmməd Salahı klubda qalmağa səsləyib.

Spors.az Raşın bu barədə müraciətini təqdim edir:

“Mən çox istərdim ki, “Mo” müqaviləsinin müddətini uzatsın. Biz gələcəkdə nə olacağını bilmirik, amma əminəm ki, hər bir “Liverul” azarkeşi də bunu istərdi”.

Xatırladaq ki, Salahın “qırmızılar”la cari müqaviləsinin müddəti 2025-ci ilin yayına qədər nəzərdə tutulub.