“Yuventus”un və Çexiya yığmasının keçmiş yarımmüdafiəçisi, əvvəllər Turin komandasının vitse-prezidenti vəzifəsində çalışmış Pavel Nedved Səudiyyə Ərəbistanının “Əl-Şabab” klubunda yeni baş idarəçi olmağa yaxındır.

Sports.az xəbər verir ki, “Əl-Şabab” klubu çex mütəxəssisə ciddi təklif ünvanlayıb və yanvarda Nedvedlə müqavilə imzalamağı gözləyir.

Vurğulanır ki, adlı-sanlı futbolçularla müqavilə bağlamaqla yanaşı, Səudiyyə Ərəbistanı klubları futbol idarəçiliyi işində məşhur mütəxəssislərin təcrübəsindən yararlanmağa da üstünlük verirlər. Bildirilir ki, Nedvedlə müqavilə imzalanması bu istiqamətdə yeni axına yol açacaq.