“Krasnodar”, komandanın kolumbiyalı dayaq yarımmüdafiəçisi Kevin Kastanyonun tamhüquqlu əsasda keçidi ilə futbolçunun trasnfer hüquqlarının 100%-i müqabilində 10 milyon ABŞ dolları (təxminən 9,7 milyon avro) məbləğində tələb müəyyənləşdirib.

Sports.az xəbər verir ki, Rusiya klubu transfer hüquqlarının daha az faizi müqabilində daha aşağı transfer məbləğini də nəzərdən keçirməyə hazırdır.

Vurğulanır ki, Kastanyonun özü də Avropanı tərk edərək, daha əvvəl xəbər verildiyi kimi, kolumbiyalı futbolçu ilə maraqlanan Argentina nəhənglərindən “River Pleyt”in düşərgəsinə keçməyə razıdır. Amma hələlik “River Pleyt”dən heç bir təklif gəlməyib.