“Borussiya” Yan Matsen və Ceydon Sançonu satın almaq istəyir

Dortmund “Borussiya”sında icarə əsasında çıxış edən futbolçular - “Çelsi”nin niderlandlı müdafiəçisi Yan Matsen və “Mançester Yunayted”in ingiltərəli vingeri Ceydon Sanço karyeralarını daimi əsasda alman klubda davam etdirə bilərlər.

Sports.az xəbər verir ki, qarşıdakı yay transfer pəncərəsində Dortmund klubu üçün əsas məqsəd Yan Matsenlə müqavilə imzalamaqdır.

Matsenin özü də Londona qayıtmaq istəmir. Dortmund klubu Ceydon Sanço ilə daha az maraqlanır, amma buna rəğmən almanlar ingiltərəli vingerə də sahib olmaq niyyətindədirlər.

Həmçinin bildirilir ki, “Çelsi” Matsen müqabilində 40 milyon avro məbləğ istəyir, amma “Borussiya”nın ilk təklifi 30 milyon avro məbləğə yaxın olacaq.