Terri BBC-ni Ronaldonu ələ saldığına görə tənqid etdi

İngiltərə yığmasının əfsanəvi sabiq futbolçusu Con Terri AÇ-2024-də Sloveniya yığması ilə oyunda (əsas və əlavə vaxt 0:0, penaltilərlə 3:0) Portuqaliya yığmasının hücumçusu Kristiano Ronaldoya qarşı Britaniyanın televiziya kanalı BBC-nin məsxərəsini cavablayıb.

Sports.az xatırladır ki, oyunun 105-ci dəqiqəsində Ronaldo sloven qapıçı Yan Oblakın dəf etdiyi penaltini qola çevirə bilməyib.

BBC-nin yayımında penalti məqamında isə Ronaldonun soyadının yerinə Misstiano Penaldo yazılmışdı).

Con Terri özünün sosial şəbəkə hesablarında “BBC, bu biabırçılıqdır” – dərc edib.