Azərbaycan Premyer Liqası keçmiş SSRİ ölkələri arasında 1-cidir
Dünyanın ən güclü futbol liqalarının siyahısı müəyyənləşib.
Sports.az xəbər verir ki, reytinq cədvəlini İFFHS açıqlayıb.
2024-cü il üçün tərtib olunan siyahıya planetin 100 ən yaxşı çempionatı daxil edilib. Azərbaycan Premyer Liqası da cədvəldə yer alıb.
Çempionatımızın əmsalı 434,25-ə bərabərdir. Premyer Liqamız dünyada 36-cıdır. Azərbaycan çempionatı əvvəlki illə müqayisədə 4 pillə irəliləyib.
Azərbaycan Premyer Liqası bu göstərici ilə Avropada 22-ci, keçmiş SSRİ ölkələri arasında isə 1-ci sıradadır.
Dünyanın ən güclü liqası isə İtaliya A seriyasıdır. Appenin liqası 1992 xala malikdir.
Siyahıda İspaniya La Liqası 2-cidir – 1885 xal. 1871 xala malik İngiltərə Premyer Liqası 3-cü sırada yer alıb.
Türkiyə Super Liqası 968 xalla 1 pillə irəliləyərək 11-cidir.
