“İnter” komandanın müdafiəçisi Matteo Darmianla əmək müqaviləsini 2025-ci ilə qədər uzatmaq seçimini gerçəkləşdirmək niyyətindədir.

Sports.az xəbər verir ki, “İnter” 33 yaşlı futbolçunun nümayiş etdirdiyi oyun səviyyəsindən razıdır və bu səbəbdən Milan klubunun rəhbərliyi futbolçu ilə müqaviləsinin müddətini 2024/2025 mövsümünün sonuna qədər uzatmaq şərtindən yararlanmaq qərarına gəlib.

Darmianın özü də komandadakı mövqeyindən razıdır və “İnter”in təklifini böyük ehtimalla müsbət qarşılayacağı təxmin edilir.