“Aston Villa” Arauxoya görə “Barselona”ya təklif hazırlayır

“Aston Villa” rəhbərliyi uruqvaylı mərkəz müdafiəçisi Ronald Arauxonun transferi ilə bağlı “Barselona”ya təklif hazırlayır.

Sports.az xəbər verir ki, Arauxonun transferində şəxsən baş məşqçi, ispan mütəxəssis Unai Emeri və idman direktoru Ramon Monçi maraqlıdırlar.

Eyni zamanda, Birmingem klubu uruqvaylı futbolçu müqabilində tələb edilən 80 milyon avro məbləği indi qarşılamağa hazır deyil. Amma “Aston Villa” bu çətinliklərə rəğmən uğurlu sövdələşməyə ümid edir və yaradacaq müəyyən çətinlikləri çözməyə hazırdır.