Yoro “Real” və ya PSJ-yə keçmək üçün söz sahibidir

PSJ və “Real” “Lill” fransalı perspektivli mərkəz müdafiəçisi Leni Yoronu transfer etmək üçün əsas namizədlərdirlər.

Sports.az xəbər verir ki, “Real” 18 yaşlı futbolçu uğrunda mübarizədə Paris klubunu qabaqlayır və Leni Yoronun “qaymaqlılar”ın düşərgəsində Rafael Varanın yolunu davam etdirə biləcəyinə inanır.

Bununla belə, PSJ-nin hazırda oyunçunun transferi ilə bağlı fəaliyyətini genişləndirdiyi vurğulanır. PSJ və “Lill” sahibləri arasında danışıqlar davam edir. Parislilər müqaviləni “qaymaqlılar”dan əvvəl bağlaya biləcəklərinə əmindirlər. 

Vurğulanır ki, transferin məbləği əlavə üstəliklərlə birlikdə təxminən 60 milyon avro məbləğində ola bilər.