Ferdinand İngiltərə yığmasında Kapello ilə bağlı xatirəsini paylaşdı
İngiltərə yığmasının və “Mançester Yunayted”in keçmiş müdafiəçisi Rio Ferdinand italyan mütəxəssis Fabio Kapellonun rəhbərliyi altında yığma komandada yaşadığı hadisə ilə bağlı xatirəsini paylaşıb.
Sports.az ingilis futbolçunun bu barədə xatirəsini təqdim edir:
“Məşqçi hər zaman ciddi idi. Hərdən zarafat edirdi, amma həmişə ciddi idi. Uyğun ab-havanı isə yaratmaq istəyirdi.
Onunla yeməyimiz dəhşətli idi. Bir gün Stiven Cerrardla, yeməyin daha dadlı olmasını xahiş edərək Kapelloya yaxınlaşdıq, amma rədd cavabı aldıq.
Sonda oyunların birindən sonra “McDonald’s”a getdik, sifariş verdik və məşqçilər qərargahından heç kim görmədən otağımıza yemək gətirilməsini istədik. Yemək gələndə leşyeyənlər kimi onun üstünə şığıdıq. Yığma komandanın bütün oyunçuları onu yedilər”, deyə Ferdinand təbəssümlə xatırlayıb.
