PSJ Şerkinin keçidi ilə bağlı Lion “Olimpik”i ilə danışıqlara başladı

Lion “Olimpik”inin hücumçusu Rayan Şerki bu yay PSJ-yə keçə bilər.

Sports.az xəbər verir ki, PSJ artıq Lion təmsilçisinə rəsmi təklif ünvanlayıb və bu təklifdə oyunçunu 15 milyon avro məbləğ və əlavə üstəliklər müqabilində almaq niyyətində olduğunu bildirib.

“Toxucular” ilk təklifi rədd ediblər, amma mümkün sövdələşmənin qiymətinin yaxşılaşdırılması baxımından danışıqların davam edəcəyi gözlənilir.

PSJ-nin baş məşqçisi, ispan mütəxəssis Luis Enrikenin bu keçiddə şəxsən maraqlı olduğu vurğulanır.