“Mançester Yunayted” rəhbərliyi Erik ten Haqa hiddətlidir

“Mançester Yunayted” rəhbərliyi komandanın baş məşqçisi Erik ten Haqın Niderland televiziyasına müsahibəsində onların işgüzar danışıqlarının təfərrüatını açıqlaması və bu danışıqlar zamanı tərəflərin 54 yaşlı niderlandlı mütəxəssislə müqavilənin müddətinin uzadılmasının məqsədəuyğun olduğu qənaətinə gəlməsini bildirməsindən narazı qalıb.

Sports.az xəbər verir ki, sözügedən müsahibədə Ten Haq bildirib ki, İbitsada tətildə olarkən “Mançester Yunayted” rəhbərliyinin nümayəndələri onun evinə gəliblər.

“Qırmızı şeytanlar”ın rəhbərləri niderlandlı mütəxəssisə onu əvəz edə biləcək digər məşqçilərlə əlaqə saxladıqlarını açıq şəkildə bildiriblər.