“Real”da Mbappenin təqdimat mərasiminin pozulmasından ehtiyat etmirlər

“Real” Kilian Mbappenin AÇ-2024-ün qrup mərhələsinin 1-ci turunda Avstriya yığması ilə oyunda (0:1) burnunu sındırması səbəbilə, ulduz futbolçunun “Real”dakı təqdimat mərasiminin pozulmasından ehtiyat etmir.

Sports.az xatırladır ki, Mbappe Fransa yığmasının AÇ-2024-də çıxışını başa vurmasından sonra cərrahi əməliyyat keçirəcək.

Madrid klubu Mbappenin burun sınığına rəğmən, fransalı ulduzun təqdimat mərasimini keçirməyə hazırdır. “Real” hesab edir ki, Mbappenin sınığı görünüş etibarı ilə gözə çarpmır.

Vurğulanır ki, Fransa yığması AÇ-2024-ün iyulun 14-də baş tutacaq finalına yüksələ bilsə, o zaman “qaymaqlılar” Mbappenin təqdimatını iyulun 16-da keçirəcəklər.