“Mançester Siti”nin skautları hesab edirlər ki, “Valensiya”nın ispan yarımmüdafiəçisi Xose Luis Qarsiya Vayya – “Pepelu”, “şəhərlilər”in, dizin çarpaz bağ zədəsi ilə üzləşmiş ispan dayaq yarımmüdafiəçisi Rodrini əvəz etmək üçün mükəmməl namizəddir.

Sports.az xəbər verir ki, “şəhərlilər” 26 yaşlı futbolçunun satın alınmasının qarşıdakı qış transfer pəncərəsində həyata keçirilə biləcək ən sərfəli alış olacağına inanırlar.

Vurğulanır ki, “Mançester Siti”nin düşərgəsində Pepelunun, zədədən sağalacağı müddətdə Rodrini tam əvəz edə biləcəyinə, həm də gələcəkdə keyfiyyətli əvəzləyiciyə çevriləcəyinə böyük inam var.