“Mançester Yunayted”in portuqal baş məşqçisi Ruben Amorim klub rəhbərliyinə, 2025-ci ildə satın alınması gərək olan və “klubun taleyini dəyişə biləcək” üç futbolçunun siyahısını təqdim edib.

Sports.az xəbər verir ki, portuqal mütəxəssisin siyahısına cari mövsümün sonuna qədər “Napoli”dən icarə əsasında “Qalatasaray”da çıxış edən nigeriyalı mərkəz hücumçusu Viktor Osimhen, “Barselona”nın uruqvaylı mərkəz müdafiəçisi Ronald Arauxo və “Sauthempton”un ingilis sağ cinah hücumçusu Tayler Diblinq daxildirlər.

Bu oyunçuların hər üçünün satın alınmasının “Mançester Yunayted”ə 200 milyon avro məbləğə başa gələ biləcəyi vurğulanır.