Sports.az saytının təşkilatçılığı, Etopaz-ın baş sponsorluğu və "Şah klub"un dəstəyilə  media nümayəndələri arasında şahmat üzrə birinci onlayn  "Həmrəylik kuboku" keçiriləcək.

31 dekabr - Dünya Azərbaycanlılarının Həmrəyliyi Günü və Yeni İl münasibətilə onlayn formatda təşkil olunacaq turnirdə media nümayəndələri arasında həvəskar şahmatçılar yarışacaq.

Peşəkar şahmatçı karyerası olan və hazırda aktiv şahmat fəaliyyəti ilə məşğul olan media nümayəndələri turnirdə iştirak etməyəcək.