Azərbaycanı DÇ-də təmsil edəcək şahmatçılar müəyyənləşdi

Bu gün Qazaxıstanın Almatı şəhərində yeniyetmə şahmatçılar arasında dünya çempionatının açılış mərasimi keçiriləcək.

Sports.az xəbər verir ki, mötəbər yarışda 83 ölkədən 785 şahmatçı mübarizə aparacaq.

Çempionat 8, 10 və 12 yaş kateqoriyasında oğlan və qızları arasında təşkil olunacaq. Dünya çempionatında ölkəmizi Fatimə Mirzəliyeva, Nurlan Əzizli, Mehriban Əhmədli, Mələk Əsədli, Atilla Orman, Kənan Babasoy və Əsnad Baxşızadə təmsil edəcək. 

11 turdan ibarət dünya çempionatına sentyabrın 30-da yekun vurulacaq.