Bu gün ikinci finalçı bəlli ola bilər

Azərbaycan Basketbol Liqasında yarımfinal mərhələsinin daha bir oyunu bu gün keçiriləcək.

Sports.az xəbər verir ki, "Neftçi" "Abşeron Lions"la üz-üzə gələcək.

Bakı İdman Sarayında təşkil olunacaq qarşılaşma saat 14:00-da start götürəcək.

İlk görüşdə "Abşeron Lions" qələbə qazanıb - 95:89.

Yarımfinalda iki qalibiyyətə çatan kollektiv finala yüksələcək. Bu duelin güclüsü finalda "Sabah"a rəqib olacaq.