Freyzer “Sabah”la final oyunlarını buraxa bilər

"Abşeron Lions"un basketbolçusu Ceyms Freyzer "Sabah"a qarşı keçirəcəkləri Azərbaycan Basketbol Liqasının final seriyasını buraxa bilər.

Sports.az klubun mətbuat xidmətinə istinadən xəbər verir ki, oyunçunun zədəsinim ciddiliyi həkimlərin müayinəsindən sonra bəlli olacaq:

"Basketbolçunun sağ əlində şiş, sağ ayağında da ağrıları var. Özü final seriyasında oynamaq istəsə də, yekun rəyi həkimlər verəcək".

Xatırladaq ki, "Sabah" yarımfinalda "Gəncə"ni, "Abşeron Lions" "Neftçi"ni məğlub edərək finala yüksəlib.