25 yaşlı fransalı ulduz hücumçu Kilian Mbappe tezliklə “Real”ın düşərgəsini tərk edə bilər.

Sports.az xəbər verir ki, Mbappe PSJ-dən “Real”a keçdikdən sonra, “qaymaqlılar”ın düşərgəsində özünü xoşbəxt hiss etmir və anlayır ki, hələ də ona olan ümidləri doğrultmur.

İngiltərə nəhəngi “Liverpul” isə bu vəziyyətdən yararlanmaq üçün fürsət güdür. “Qırmızılar” transfer bombası hazırlayırlar və fransalı ulduz müqabilində “Real”a 150 ​​milyon avro məbləğ təklif etməyə hazırdırlar.

Vurğulanır ki, hələlik vəziyyətin olduğu kimi qalacağı ehtimalı böyükdür, amma Mbappe öz oyunu ilə ümidləri doğrultmasa, öz istəyinə rəğmən, Madridi tərk edə bilər.