Madrid "Atletiko"su bir rəqiblə oyunlardakı məğlubiyyətsiz seriyaya görə rekordunu təkrarlayıb.

Sports.az xəbər verir ki, paytaxt təmsilçisi buna La Liqanın 17-ci turunda "Xetafe"yə 1:0 hesabı ilə qalib gəlməklə nail olub.

Paytaxt klubu bu komanda ilə duellərdə 23 görüşdür (19 qələbə, 4 heç-heçə) uduzmur.

"Atletiko" 1954-1979-cu illər aralığında 23 matçda "Malaqa"ya yenilməyib.

Dieqo Simeonenin baş məşqçisi olduğu kollektiv hazırda 38 xalla turnir cədvəlinin ikinci pilləsində qərarlaşıb. Bir oyun çox keçirən "Barselona" da eyni xala malikdir.