Fransa nəhəngi PSJ “Napoli”nin gürcü cinah hücumçusu Xviça Kvaratsxeliyanı 80 milyon avro məbləğ müqabilində satın alacağı təqdirdə, Kazan “Rubin”i 1,2 milyon avro məbləğində həmrəylik ödənişi alacaq.

Sports.az xəbər verir ki, həmçinin müvafiq keçid gerçəkləşərsə, “Rustavi” 400 min avro, Batumi “Dinamo”su isə 1,6 milyon avro məbləğində qazanc götürəcəklər.

Xatırladaq ki, Xviça Kvaratsxeliya 2019-cu ilin iyulundan 2022-ci ilin martına qədər “Rubin”də çıxış edib.