Zidan oğlunun Əlcəzair millisindəki çıxışını qiymətləndirdi

“Real”ın sabiq baş məşqçisi Zinəddin Zidan oğlu Luka Zidanın Afrika kubokunun qrup mərhələsində Əlcəzair – Sudan matçındakı çıxışını yüksək qiymətləndirib.

Sports.az xəbər verir ki, fransalı keçmiş futbolçu sosial şəbəkə hesabında paylaşım edib: “Luka, bravo”.

27 yaşlı qolkiper Əlcəzair millisi ilə matçın start heyətində meydana çıxıb və qapısını toxunulmaz saxlayıb. Onun komandası oyunu inamlı qələbə (3:0) ilə başa vurub.

Xatırladaq ki, “Qranada”nın şərəfini qoruyan Luka əvvəllər Fransanın müxtəlif yaş qrupları üzrə yığmalarında oynayıb. O, bu ildən Əlcəzair yığmasında çıxış edir.