Zidanın oğlu zədələndi

"Qranada"nın qapıçısı Luka Zidan ağır zədə alıb.

Sports.az xəbər verir ki, "Almeriya" ilə oyunda toqquşma nəticəsində zədələnən qolkiperin çənə sümüyündə sınıq aşkarlanıb.

Bu səbəbdən o, mövsümün qalan hissəsini buraxacaq və dünya çempionatında iştirakı sual altına düşüb. Əməliyyat olunacağı halda Zidanın mundialı qaçırması ehtimalı yüksəkdir.

Xatırladaq ki, əfsanəvi futbolçu Zinəddin Zidanın oğlu əvvəllər Fransanın gənclər komandalarında çıxış edib. O, ötən il ata tərəfdən nənə-babasının vətəni olan Əlcəzairin şərəfini qorumaq qərarına gələrək vətəndaşlığını dəyişib.