Palmer doğma klubuna qayıda bilər

“Mançester Siti”nin məzunu, hazırda “Çelsi”də çıxış edən 24 yaşlı ingiltərəli hücumameylli yarımmüdafiəçi Koul Palmer “şəhərlilər”in düşərgəsinə qayıda bilər.

Sports.az xəbər verir ki, bu, “Çelsi”nin keçmiş baş məşqçisi, 46 yaşlı italyan mütəxəssis Entso Mareskanın “Mançester Siti”nin sükanı arxasına keçəcəyi halda baş verə bilər.

Xatırladaq ki, yayılmış məlumata görə, Entso Mareska cari mövsümün sonunda “şəhərlilər”in baş məşqçisi, ispan mütəxəssis Xosep Qvardiolanı əvəz edəcək.