“Mançester Yunayted” “Barselona”nın 25 yaşlı uruqvaylı mərkəz müdafiəçisi Ronald Arauxonu almaq niyyətindədir və onun müqabilində 80 milyon avro məbləğdən çox təklif etməyə hazırdır.

Sports.az xəbər verir ki, son bir neçə həftədə “qırmızı şeytanlar” uruqvaylı futbolçuya marağı daha da artırıblar.

Vurğulanır ki, Arauxo hazırda Kataloniya klubu ilə müqaviləsinin müddətinin uzadılması ilə bağlı danışıqlar aparır, amma İngiltərə nəhəngi daha əlverişli maliyyə şərtləri təklif edə bildiyi üçün futbolçunun ətrafındakılar “blauqrana” ilə bağlı vəziyyətə şübhə ilə yanaşırlar.