Bu həftə Konfrans Liqasının ümumi mərhələsində 5-ci turun oyunları keçirilib. “Çelsi” səfərdə Qazaxıstan “Astana”sını 3:1 hesabı ilə məğlub edib.

Sports.az xəbər verir ki, 5 turun nəticələrinə əsasən, London klubu bir neçə əsas göstərici üzrə turnirin ən yaxşı komandasıdır.

Söhbət vurulan qolların sayından (21), topa sahib olmanın orta faizindən (63,6 faiz) və ötürmə dəqiqliyindən (92,4 faiz) gedir.

“Çelsi” Konfrans Liqasının son turunda, dekabrın 19-da İrlandiyanın “Şemrok Rovers” komandası ilə qarşılaşacaq.