Anselmino icarədən erkən surətdə geri çağırıla bilər

Cari mövsümün sonuna qədər müddətə “Çelsi”dən icarə müqaviləsi əsasında Dortmund “Borussiya”sında çıxış edən argentinalı mərkəz müdafiəçisi Aaron Anselmino qarşıdakı qış transfer pəncərəsində erkən surətdə “zadəganlar”ın düşərgəsinə qayıda bilər.

Sports.az xəbər verir ki, London klubu futbolçunun “eşşəkarıları”nın heyətində aldığı oyun vaxtından narazıdır və müqavilə üzrə nəzərdə tutulmuş geri çağırma şərtindən istifadə edə bilər.

Bununla belə, vurğulanır ki, “Borussiya” Anselminonun az oynamasına rəğmən, çıxışından razıdır və Aaronu komandada saxlamağa cəhd edəcək.