“Karvan-Yevlax” “Şamaxı”ya, “Qarabağ” “Sabah”a qarşı
Misli Premyer Liqasında 28-ci turun oyunları keçirilir.
Sports.az xəbər verir ki, bu gün daha 2 oyun baş tutacaq.
“Karvan-Yevlax” “Şamaxı”nı qəbul edəcək. Yevlaxda keçiriləcək oyunun baş hakimi Emin Əliyev olacaq.
Turun mərkəzi oyununda isə “Qarabağ” lider “Sabah”ı sınağa çəkəcək. Çempionluq yolunda böyük önəm daşıyan bu görüşü Elçin Məsiyev idarə edəcək.
Daha öncə “Araz-Naxçıvan” “Turan Tovuz”a uduzub (0:3), “Zirə” – “Neftçi” matçında qalib müəyyənləşməyib – 1:1. “Kəpəz” – “İmişli” və “Sumqayıt” – “Qəbələ” oyunları sabah keçiriləcək.
Misli Premyer Liqası
28-ci tur
18 aprel
“Karvan-Yevlax” – “Şamaxı”
Hakimlər: Emin Əliyev, Zeynal Zeynalov, Müslüm Əliyev, Rəşad Əhmədov
Yevlax şəhər stadionu, 15:30.
“Qarabağ” – “Sabah”
Hakimlər: Elçin Məsiyev, Elşad Abdullayev, Pərvin Talıbov, İnqilab Məmmədov
Tofiq Bəhramov adına Respublika Stadionu, 19:30.
