“Sabah” baş məşqçisi ilə yollarını ayırdı

"Sabah" Basketbol Klubu baş məşqçi Rimas Kurtinaytis ilə yollarını ayırıb.

Bu barədə Sports.az-a Bakı kollektivinin mətbuat xidmətindən məlumat verilib.

Mütəxəssisin müqaviləsi qarşılıqlı razılıq əsasında başa çatıb.

Tərəflər qarşıdakı dövrdə məşqçinin kişilərdən ibarət basketbol üzrə Litva milli komandasındakı fəaliyyətinə daha çox diqqət ayırmaq istəyini nəzərə alaraq, əməkdaşlığın başa çatdırılması barədə qarşılıqlı razılığa gəliblər.

"Sabah" Azərbaycan Basketbol Liqasında son 4 mövsümün qalibi olub.