Transfer hüquqları “Arsenal”a məxsus olan şotland müdafiəçi Kiran Tirni karyerasını Şotlandiya Premyer Liqasında davam etdirə bilər.

Sports.az xəbər verir ki, futbolçu ilə onun keçmiş klubu “Seltik” maraqlanır.

“Seltik”in baş məşqçisi, şimali irlandiyalı mütəxəssis Brendan Rocers Tirni ilə müqavilə imzalamağa şəxsən təşəbbüs göstərir. Gələn yay “topçular”la müqaviləsinin başa çatacağı üçün, Kiran azad agent qismində “Seltik”ə qoşula bilər. Belə ki, “Arsenal” futbolçuya yeni müqavilə təklif etmək fikrində deyil.