"Turan Tovuz" İspaniya millisinin keçmiş kapitanını transfer edir! - Özəl
Yeni mövsümə daha iddialı heyətlə başlayacaq "Turan Tovuz" İspaniyanın U 19 millisinin keçmiş kapitanı Alexandro "Alex" Serranonu transfer edir.
Son mövsümü Bolqarıstan yüksək liqasında çıxış edən "Habor"da keçirən mərkəz yarımmüdafiəçisi ilə müqavilə şərtləri razılaşdırılıb. Serranonun ünlü Lyuboslav Penevin çalışdırdığı klubla müqaviləsi bu ayın əvvəli bitib və o hazırda klubsuzdur.
Qeyd edək ki, Aleks Serrano Barselonada dünyaya gəlib. İspaniyanın aşağı yaşlıalılardan ibarət milli komandalarında, "Sportinq Xixon", "Malyorka", "Salamanka" və digər klublarında çıxış edib.
Legioner həyatına Polşanın "Qurnik" klubunda başlamış 28 yaşlı futbolçu vaxtilə İspaniya U 19 millisində kapitan sarğısı daşıyıb.
Aleksin atası Mino da İspaniya futbolunda tanınmış simadı. O, 80-90-cı illərdə "Real Madrid", "Sevilya", "Espanyol", "Malyorka" və başqa klubların şərəfini qoruyub.
