“Barselona”nın braziliyalı vingeri Rafinya klub və azarkeşlər tərəfindən dəstəkləndiyini hiss etmir.

Sports.az xəbər verir ki, Rafinyanın transferi ilə bağlı davamlı söz-söhbətlərə rəğmən, braziliyalı futbolçunun özü “Barselona”dan ayrılmaq istəmir.

Rafinya hesa edir ki, Kataloniya komandasına qoşulduqdan sonra onunla pis rəftar edilib. Futbolçu daim azarkeşlərin və mətbuatın tənqidləri ilə üzləşir və “Barselona” onu dəstəkləmir. Rafinya Usman Dembele PSJ-yə getdikdən sonra əsas oyunçu olacağına əmin idi, amma Xavi 16 yaşlı Yamala daha çox güvənir.