“Barselona” Braziliya futbolunun yeni ulduzuna göz qoyur

“Barselona” Braziliya futbolunun yeni ulduzu olaraq qiymətləndirilən, “Palmeyras”ın 16 yaşlı sol cinah hücumçusu Eduardo Konseysaonun xidmətində maraqlıdır.

Sports.az xəbər verir ki, “Barselona”nı yeniyetmə braziliyalı istedadın hücumda çoxyönlüyü – hücum xəttinin cinahlarında və hücumçuların altında oynamaq bacarığı cəlb edir.

Vurğulanır ki, “Barselona” keçidi razılaşdıra bilsə, yeniyetmə futbolçu 18 yaşının tamam olacağı 2028-ci ildə “blauqrana”nın düşərgəsinə keçə bilər.