Çempionlar Liqasının ilk finalçısı müəyyənləşir

UEFA Çempionlar Liqasında ilk finalçı müəyyənləşəcək.

Sports.az xəbər verir ki, yarımfinal mərhələsinin cavab oyununda İspaniyanın "Atletiko" komandası bu gün İngiltərədə "Arsenal"ın qonağı olacaq.

Qarşılaşma "Emireyts" stadionunda, Bakı vaxtı ilə saat 23:00-da start götürəcək.

İlk görüşdə qalib müəyyənləşməyib - 1:1

Digər finalçı mayın 6-da bəlli olacaq. "Bayern" Almaniyada Fransanın PSJ kollektivi ilə münasibətlərə aydınlıq gətirəcək. Birinci qarşılaşmada parislilər sevinən tərəf olublar - 5:4.