“Liverpul” baş məşqçisi ilə bağlı qərar qəbul etdi

“Liverpul” rəhbərliyi “qırmızılar”ın baş məşqçisi, niderlandlı mütəxəssis Arne Slotla bağlı qərar qəbul edib.

Sports.az xəbər verir ki, klubun cari mövsüm ərəfəsində nəhəng keçidlər gerçəkləşdirməsinə rəğmən, Slotun uğursuzluğa düçar olması, niderlandlı mütəxəssisin mövqeyini sarsıtmayıb.

Vurğulanır ki, “Liverpul” rəhbərliyi “qırmızılar”ın mövsüm boyu üzləşdiyi zədə dalğasını da nəzərə alır və Slota etimadını qoruyub-saxlamaqda davam edir. Tərəflərin ən azı növbəti mövsümü əməkdaşlıq edəcəyi bildirilir.