“Yuventus” özünü çətinə saldı

“Yuventus” İtaliya A Seriyasının 37-ci turu çərçivəsində Turində “Fiorentina”ya qarşı keçirilmiş oyunda 0:2 hesablı gözlənilməz məğlubiyyətə uğrayıb.

Sports.az xəbər verir ki, müvafiq məğlubiyyət “Qoca Sinyora”nı Çempionlar Liqasının növbəti mövsümündə iştirak imkanından məhrum edə bilər.

Belə ki, yarışın sonuncu turu ərəfəsində “Yuventus” 37 turdan sonra A Seriyasının yarış cədvəlində 68 xalla 6-cı pillədə qərarlaşıb. Göründüyü kimi, “Qoca Sinyora”nın, Çempionlar Liqasına vəsiqə verən ilk dördlüyə düşmək imkanı artıq başqa əllərdədir.